Loading ...
Tre futbollistë të Marseilles janë viktima të një tentative për vjedhje veture në orët e mëngjesit pas kthimit nga fitorja 2-1 si mik i Le Havre në xhiron e fundit të Ligue 1, shkruan “La Provence”.
Jean Onana, Faris Moumbagna dhe Bamo Meite ishin në karvanin e automjeteve që u nisën nga qendra stërvitore e klubit. Më pas ata u vunë në shënjestër të kriminelëve që me sa duket synonin të vidhnin makinat e tyre.
Lojtarët e klubit francez u qëlluan teksa po iknin nga sulmuesit dhe për fat të mirë asnjëri prej tyre nuk u lëndua nga sulmi. Një tjetër detaj tregon se sa me fat kanë qenë.
Në derën e shoferit të njërit automjet janë gjetur dy vrima plumbash, ndërsa automjetet e tjera janë goditur në pjesën e pasme nga kriminelët.
Prokuroria e Marseille ka urdhëruar një hetim dhe mësohet se janë ende në kërkim të autorëve që kanë mundur të largohen nga vendi i ngjarjes./ h.ll/abcnews.al
Trois joueurs de l’OM braqués en voiture cette nuit, plusieurs coups de feu tirés ? https://t.co/9PdptmJYD5 https://t.co/9PdptmJYD5
— La Provence (@laprovence) May 20, 2024
