Prokuroria e Bosnje e Hercegovinës lëshoi një urdhër për ndalimin e presidentit të Republikës Sërpska, Millorad Dodik, me qëllim që ta marrë në pyetje.
Eksperti i Sigurisë, Bedri Elezi në një intervistë në emisionin “Ballkan Udapte” në ABC News, u shpreh se lideri serb në Bosnjë nuk iu përgjigj prokurorisë.
Ai gjithashtu komentoi edhe deklaratat e Dodik për t’u shkëputur, ndërsa shtoi se referuar kësaj situatë, duhet të ketë një kujdes të shtuar të sigurisë në Ballkan, e më gjerë.
“Përpjekjet për të destabilzuar Ballkanin Perëndimor vijnë si një kërkesë e federatës ruse. Ne duhet të kemi kujdes të shtuar, sepse përpjekja e Dodik është një paralajmërim i situatës së sigurisë dhe më gjerë. Çdo situatë jashtë kontrollit një serbi dhe Bosnjë do të manifestohet drejtpërdrejt në Kosovë. Këto grupe do të shfrytëzojnë nga rasti për t’u ballafaquar me dhunë edhe në autoritetet e sigurisë në Kosovë”, tha ndër të tjera ai.
/abcnews.al/
