Svitolina, e cila ka folur vazhdimisht ndaj pushtimit rus të Ukrainës, beson se lojtarët duhet të jenë në gjendje të flasin publikisht për çështjet politike.
Djokovic u kritikua për komentet e tij rreth përplasjeve të fundit në Kosovë nga ministrja franceze e sportit, Amelie Oudea-Castera, e cila tha se ai “nuk duhet të përfshihet”.
“Ne po jetojmë në botën e lirë, kështu që pse të mos thoni mendimin tuaj për diçka?”, tha Svitolina, e cila arriti në raundin e tretë me një fitore 2-6, 6-3, 6-1 ndaj Storm Hunter të mërkurën.
“Mendoj se nëse mbështet diçka duhet ta thuash. Nëse jeni duke biseduar me një mik do të thoni mendimin tuaj dhe ai do të thotë mendimin e tij. Pra, pse jo?”
Tridhjetë ushtarë të KFOR-it u plagosën në Kosovë në përleshjet me demonstruesit etnikë serbë të hënën gjatë protestave për vendosjen e kryebashkiakëve shqiptarë etnikë në veri të Kosovës.
Djokovic bëri një koment për mediat serbe, duke thënë se Kosova është “zemra e Serbisë”.
“Për mua është pjesë e jetës njerëzore, politika dhe sporti”, shtoi Svitolina.
“Unë po përpiqem të mendoj për shpirtin luftarak që kemi të gjithë ne ukrainasit dhe se si ukrainasit po luftojnë për vlerat e tyre, për lirinë e tyre në Ukrainë,” tha ajo.
