Në një moment kur tensionet mes Turqisë dhe Greqisë janë rritur, Turqia ka bërë me dije se ka gjetur burime të konsiderueshme gazi në Detin e Zi.
Presidenti Rexhep Tajip Erdogan u tha drejtuesve të energjisë të Mërkurën se ai do të njoftojë “lajmin e mirë” të Premten që do të paralajmërojë një “periudhë të re” për Turqinë.
Ai nuk dha detaje, por Reuters shkruan se se ai po i referohej një zbulimi të gazit në Detin e Zi, dhe një burim tha se shkalla e rezervave mund të plotësonte potencialisht nevojat e energjisë së Turqisë për 20 vjet.
Anija e shpimit të Turqisë Fatih ka operuar që nga fundi i korrikut në një zonë eksplorimi të njohur si Tuna-1, rreth 100 milje detare në veri të bregdetit turk në Detin e Zi.
“Ka një gjetje të gazit natyror në pusin Tuna . Rezerva e pritshme është 26 trilion metra kub ose 800 miliard metra kub, dhe plotëson afro 20 vjet të nevojave të Turqisë”, thanë autoritetet turke.
Zyrtarët, përfshirë Ministrin e Energjisë, Fatih Donmez, nuk kanë dhënë detaje të njoftimit të së Premtes, duke thënë se Erdogan do të shpallë vetë “surprizën”. /abcnews.al
