Tensioni mbetet i lartë në ngushticën e Tajvanit. Ministria e Mbrojtjes e Taipeit këtë të premte ka denoncuar praninë e 38 avionëve ushtarakë kinezë rreth ishullit në orët e fundit, duke specifikuar se 19 avionë kanë kaluar “vijën mesatare” të ngushticës së Tajvanit.
Gjithashtu, sipas publikimeve në Twitter nga ministria, u zbulua prania e gjashtë njësive detare të ushtrisë kineze rreth ishullit, de facto të pavarura, por që Pekini i konsideron një provincë “rebele” të “ribashkuar”.
Ndërkohë tensionet në rajon kujtojmë se u nxitën nga udhëtimi i Nancy Pelosit në Taipei gushtin e kaluar, i cili zemëroi Pekinin, që këmbëngul në politikën e ‘një Kine’. Situata u përkeqësua pasi presidentja e Tajvanit, Tsai Ing-ëen, bëri një ndalesë në SHBA në fillim të këtij muaji gjatë një misioni që e çoi atë në Guatemalë dhe Belize./abcnews.al
