Organizata Botërore e Shëndetësisë paralajmëroi sot se temperaturat jashtëzakonisht të nxehta në Rripin e Gazës mund të përkeqësojnë problemet shëndetësore për palestinezët e zhvendosur nga bombardimet izraelite dhe luftimet e ashpra midis Izraelit dhe Hamasit.
Programi Botëror i Ushqimit ka paralajmëruar se një krizë e madhe e shëndetit publik është shumë afër në Gaza, për shkak të mungesës së ujit të pijshëm, ushqimit dhe furnizimeve mjekësore.
Sipas OBSH-së, uji i ndotur dhe higjiena e dobët janë të lidhura me sëmundje të tilla si kolera, diarreja dhe hepatiti A. Rreth 10,000 pacientë duhet të largohen nga Gaza, për shkak të sëmundjeve të ndryshme.
/abcnews.al
