Kompania amerikane “Hyperion Motors” ka zbuluar konceptin e super makinës që furnizohet me hidrogjen. Hyperion XP-1 është makina e parë e krijuar me hidrogjen, e cila përdor një teknologji që është zhvilluar për udhëtimet në hapësirë. Hyperion XP-1 mund të arrijë nga 0-60 km/ orë në vetëm 2.2 sekonda si dhe të kapë një shpejtësi maksimale më shumë se 221 km/orë.
Për sa i përket stilit, Hyperion XP-1 ngjan me një anije intergalaktike me rrota. Makina mund të udhëtojë deri në 1609 km në një rimbushje të vetme. Hidrogjeni ruhet në rezervuare me fibër karboni, ndërsa qeliza e karburantit është përgjegjëse për fuqizimin e motorit që vepron për katër rrotat, shkruan abcnews.al.
Kompania planifikon që të zgjidhë së pari problemin e infrastrukturës, duke ndërtuar stacionet e veta të karburantit të ngjashme me rrjetin Supercharger të Tesla. Hyperion do të prodhojë 300 njësi si fillim në fund të vitit 2022, ndërsa ende nuk ka një çmim se sa do të kushtojë makina. /abcnews.al/
