Një atentat ka ndodhur gjatë mesditës në Vlorë. Ngjarja e rëndë ka ndodhur në Selenicë ku është plagosur në dorë një 50 vjeçar, i cili për fat të mirë i ka shpëtuar pjesës tjetër të plumbave.
Abcnews.al mëson se bëhet fjalë për Jetnor Xhaferrin, i cili ka qenë i proceduar më herët.
I plagosuri gjendet në spital jashtë rrezikut për jetën. Shërbimet e Policisë dhe Grupi hetimor ndodhen në vendin e ngjarjes dhe po kryejnë veprimet për zbardhjen dhe sqarimin e rrethanave të ngjarjes.
Selenicë, Vlorë
Rreth orës 11:45, në rrethana ende të paqarta shtetasi J.Xh, rreth 50 vjeç, dyshohet se pranë banesës së tij është plagosur me armë zjarri në dorë dhe ndodhet jashtë rrezikut për jetën.
Shërbimet e Policisë dhe Grupi hetimor ndodhen në vendin e ngjarjes dhe po kryejnë veprimet për zbardhjen dhe sqarimin e rrethanave të ngjarjes. /abcnews.al
