Nëse nuk do të pihej duhan të prekurit nga kanceri i mushkërive mund të reduktoheshin me 90% ndërkohë e kundërta po ndodh. Kjo sipas mjekëve të cilët ngrenë shqetësimin e shtimit të sëmurëve dhe uljes së moshës së tyre. Në spitalin “Shefqet Ndroqi” në Tiranë ka dhe pacientë që nuk i kanë mbushur të 40- tat.
“Është ulur mosha e personave me sëmundje tumorale në mushkëri. Më përpara ka qenë 45 – 50 vjecc, aktualisht kemi pacientë të moshave të reja nën 40 vjecc që janë në stade të avancuara të tretë apo të katërt.”
“Ne kemi indikacione që duhanpirja tashmë fillon që nga mosha 11 vjeccare dhe është shumë probleme fillim në këto mosha pasi dhe mushkëritë janë më të reja dhe përthithja që i bëjnë kimikateve të tymit të duhanit është dhe më e madhe. Ka statistka që një mungesë duhanpirje mund ta reduktojë kancerin e mushkërive me 90 % të rasteve. Lënia e duhanit është guri i themelit dhe mbrojtja më e mirë që mund ti bëjmë vetes nga kanceri i mushkërive.”
Duhanpirja është arsyeja kryesore sipas mjekëve, por jo e vetmja. Ndërkohë kanceri i mushkërive është shkaku i parë i humbjeve të jetës ndër sëmundjet tumorale ndërsa sipas Institutit të Shëndetit Publik rreth 800 raste të reja zbulohen në vend ccdo vit. Por cilat janë ato shenja që duhet të na ccojnë për konsultë tek specialisti?
“Një kollë e vazhueshme, e cila mund të jetë e shoqëruar me sputum ose jo për një periudhe më të gjatë se sa një muaj. Mund të jetë një temperaturë jo e lartë për një kohë të gjatë që ska pasur përmirësim me atibiotikoterapi duhet të mendohet dhe nga mjekët e familjes të dërgohet te penumologu. 50 % ose 60% e këtyre pacientëve vijnë në stadet e vona. Janë shumë të pakët ata që diagnostikohen në stadet e hershme të parë dhe të dytë që ka trajtim më adekuat.”
“Duke parë që tendenca e duhanpirjes është shtuar dhe tek seksi femër themi që të dy këto sekse janë të rrezikua në mënyrë të barabartë sa i përket duhanpirjes pastaj ka dhe faktorë të tjerë. Prezenca e gazit radon në shtëpi, problemet e ndotjes atmoseferike, produkete me përbërje azbesti dhe shpërbërje të hidrokarbureve, faktorët genetik.”
Mjekët apelojnë për të kërkuar ndihmën e tyre sa më parë. Kapja e sëmundjes në stadet e para do të rriste jetëgjatësinë dhe cilësinë e jetës së pacientit./abcnews.al
