Në ditët e fundit po flitet shumë për situatën e mesfushorit të Manchester United, Paul Pogba. Ka qenë vetë lojtari, i cili e ka pranuar se po kalon periudhën e tij më të errët në karrierë. Kampioni i botës me Francën është lidhur shpesh me një largim nga “Djajtë e Kuq” dhe i fundit që i ka hedhur benzinë zjarrit është Claudio Marchisio.
Ish-mesfushori dhe shoku i Pogbas te Juventusi i kërkon atij të rikthehet sërish tek kampionët e Serie A. “Të lutem Paul Pogba. Eja te Juventusi… do të jesh përsëri i lumtur. Edhe unë bashkë me ty”, shkruan italiani në një koment në “Twitter” tek faqja e francezit.
Marchisio wants Pogba back.
Do you? pic.twitter.com/t3wq3x0ttb— Around Turin (@AroundTurin) November 17, 2020
27-vjeçari ka luajtur në shtatë ndeshje të Premier League këtë sezon me Manchester United, të cilët nuk e kanë nisur edhe aq mirë kampionatin pasi renditen në vendin e 14-të. Paul ende nuk e ka gjetur rrugën e rrjetës si dhe nuk numëron asnjë asist deri më tani. Një tjetër fakt që tregon se ai nuk është në formë e tij më të mirë është dhe përqindja e pasimit, e cila është rreth 79.9%, më e ulja që kur Pogba është transferuar në “Old Trafford”. /abcnews.al
