Të infektuar me Covid 19, ekspertët tregojnë sa kohë duhet të qëndrojmë të izoluar

schedule10:38 - 11 Janar, 2022

schedule 10:38 - 11 Janar, 2022

The Economist

Përktheu: Sonila Backa-abcnews.al

Ndërsa Omicron vazhdon të përhapet, tashmë është vërtetuar se simptomat që shkakton ky variant janë më pak të rënda se ato të shkaktuara nga variantet e tjera. Ky është një lajm i mirë: njerëzit që infektohen kanë më pak gjasa të shtrohen në spital apo të vdesin.

Fatkeqësisht, Omicron ka shkaktuar gjithashtu rritje të rasteve,  kështu që rregullat e izolimit kanë detyruar miliona njerëz të qëndrojnë në shtëpi, edhe pse mund të ndihen mirë fizikisht për të shkuar në punë. Shumë vende janë përgjigjur duke rivlerësuar periudhën e  izolimit. Në dhjetor, Qendrat Amerikane për Kontrollin e Sëmundjeve përgjysmuan këtë periudhë, nga dhjetë ditë në pesë, dhe qeveria e Britanisë e reduktoi atë nga dhjetë në shtatë  ditë.

Më 7 janar, Gjermania ndoqi të njëjtin shembull, duke shkurtuar periudhën e izolimit nga 14 në 7 ditë, dhe me një test negativ.

Sa e rrezikshme është të reduktosh periudhën e izolimit dhe a e ka ndryshuar Omicron situatën?

Sipas një analize të studimeve të rishikuara nga kolegët, variantet e mëparshme të SARS-CoV-2, virusi që shkakton Covid-19, kishin një periudhë mesatare inkubimi (koha ndërmjet infeksionit dhe shfaqjes së simptomave). Infektueshmëria e tij arriti kulmin pak para shfaqjes së simptomave dhe u zvogëlua gjatë 7 ditëve në vijim.

Për pacientët simptomatikë, Organizata Botërore e Shëndetësisë rekomandon të paktën dhjetë ditë në izolim pas fillimit të simptomave, duke përfshirë të paktën tre pas zhdukjes së simptomave.

Gjithashtu rekomandon  që pacientët asimptomatikë të izolohen për dhjetë ditë pas një testi pozitiv. Por rekomandimet e qeverive ndryshojnë, dhe disa janë më të rrepta se të tjerat: Zelanda e Re ka kërkuar që të pavaksinuarit të izolohen për 14 ditë, por e ka reduktuar në dhjetë për të vaksinuarit, raporton abcnews.al

A e ndryshoi varianti Omicron kohëzgjatjen e karantimit? Provat e hershme tregojnë se po.

Sipas një studimi rreth Omicron në Amerikë, i publikuar nga CDC më 28 dhjetor, zbuloi se periudha mesatare e inkubacionit ishte tre ditë, në krahasim me rreth pesë ditë për variantet e tjera. Një studim tjetër nga studiues nga Instituti Norvegjez i Shëndetit Publik pas shpërthimit të rasteve pas një festë Krishtlindjesh,  pas së cilës 66 nga 111 pjesëmarrësit rezultuan pozitivë me Omicron, theksuan gjithashtu se periudha mesatare e inkubacionit ishte rreth tre ditë.

Shkencëtarët janë ende duke studiuar Omicron, por  inkubimi më i shkurtër do të ndihmonte për të shpjeguar përhapjen e shpejtë të variantit. Pavarësisht kohëzgjatjes së izolimit, testimi i rregullt mbetet mënyra më e mirë për të siguruar që njerëzit të mos përhapin virusin.  Sipas rregullave të reja në Britani, personat që kanë teste negative të antigjenit nuk do të izolohen.

Administrata e  Joe Biden ka premtuar se do të fillojë dërgimin e testeve të para të antigjenit rreth 500 milionë duke filluar nga mesi i janarit. Këto teste janë më të mira në identifikimin e individëve shumë infektivë, duke i bërë ata të dobishëm në ngadalësimin e përhapjes së Covid-19, raporton abcnews.al

Qeveritë duhet të bëjnë tashmë dallimin midis efekteve të njerëzve në dukje të shëndetshëm jashtë vendit të punës dhe rrezikut që disa prej atyre njerëzve mund të infektojnë të tjerët. Britania, pavarësisht se ka reduktuar periudhën e izolimit, tashmë po përballet me mungesë të fuqisë punëtore, veçanërisht në Shërbimin Shëndetësor Kombëtar.

Më 7 janar, qeveria dërgoi trupa ushtarakë në spitalet e Londrës për të ndihmuar në kompensimin e mungesës së personelit shëndetësor.

/abcnews.al