Presidentët e Real Madridit dhe Paris Saint-Germain do të mblidhen në një nga restorantet më të mira në botë të hënën, para ndeshjes së Ligës së Kampionëve të skuadrave të tyre në Paris të martën.
Beteja për Kylian Mbappe ka krijuar tension të paparë mes klubeve, por një darkë para ndeshjes është pjesë e protokollit të Champions League, kështu që Florentino Perez dhe Nasser Al-Khelaifi do të ndajnë një tryezë për disa orë në ditën e Shën Valentinit në Restaurant Guy Savoy, i cili u votua si restoranti më i mirë në botë në vitin 2020.
Qasjet e Real Madridit për Mbappe kanë frustruar PSG-në, duke çuar në një marrëdhënie më të tendosur midis Perez dhe Al-Khelaifi.
Saga e Superligës tashmë ka rritur tensionet, kur Al-Khelaifi u anua me UEFA-n kundër propozimit.
Më pas, Real Madrid u përpoq të nënshkruajë me Mbappe verën e kaluar, duke ofruar deri në 200 milion euro për sulmuesin, të cilin PSG e refuzoi.
Darka e kësaj jave do të jetë e sjellshme, civile dhe e respektueshme, por është e vështirë të shihet se si mund të riparohen marrëdhëniet e Real Madridit dhe PSG-së në të ardhmen e afërt, pasi Mbappe duket se ka vendosur për një lëvizje nga Franca në Spanjë./ h.ll/abcnews.al
