Emri i Milinkovic Savic është në qendër të merkatos verore në Serie A.
Tashmë për Lazion nuk është më i pashitshëm dhe kështu Inter, Milan dhe Juventus janë në garë për të marrë shërbimet e mesfushorit serb të Lazios.
Claudio Lotito, presidenti i klubit kryeqytetas, ka bërë të qartë çmimin e kartonit të tij për ta lënë të lirë. Lotito kërkon një shifër jo më pak se 30 milionë euro për të nisur bisedimet e një transferimi të mundshëm.
Sipas mediave italiane, Inter është më i favorizuar për të nënshkruar me të, pasi Inzaghi ka marrëdhënie të mirë me Milinkovic Savic. Gjithashtu, serbi do të gjente te zikaltërit edhe disa ish-shokë skuadre, si De Vrij, Correa apo Acerbi.
Ende asnjë ofertë zyrtare në drejtim të tij, por sigurisht që dy klubet e Milanos dhe Juventus janë duke studiuar mirë pistën që të çonë në transferimin e Sergej Milinkovic Savic./h.ll/abcnews.al
