Autoritetet e Rripit të Gazës njoftuan se Izraeli ka liruar rreth 150 të burgosur palestinezë, të cilët ishin arrestuar gjatë operacioneve ushtarake në enklavë. Këta persona pretendojnë se janë keqtrajtuar gjatë qëndrimit në burg.
Që nga fillimi i luftës kundër organizatës palestineze Hamas, ushtarët izraelitë kanë arrestuar dhjetëra banorë të Gazës, i kanë mbajtur pa akuza dhe kanë liruar disa prej tyre.
“Është e qartë se këta robër kanë pësuar keqtrajtime të rënda pasi disa prej tyre janë dërguar për trajtim në spitalin Abu Yousef al-Najjar”, tha për AFP zëdhënësi i shërbimit të kalimit kufitar të Gazës, Hisham Antoan.
Ushtria izraelite nuk komentoi lirimin e të burgosurve, por theksoi se është “absolutisht e ndaluar” keqtrajtimi i të burgosurve.
Një nga të burgosurit e liruar tha se ai dhe një shok i tij ishin rrahur dhe torturuar gjatë ndalimit të tyre.
/abcnews.al
