Loading ...
Taylor Swift ka bërë histori pasi fitoi çmimin për albumin e vitit në Grammy. “Folklor” e bëri 31-vjeçaren artisten e parë femër që ka fituar këtë çmim tre herë, pasi më parë u vlerësua në vitin 2010 me “Fearless” dhe në 2016-ën me albumin “1989”.
Gjatë fjalës së saj, Taylor u shpreh: “Dua të falenderoj të gjithë bashkëpunëtorët e mi, dua të falenderoj Justin Vernon, jam shumë me fat që të takova.”, tha Taylor e cila më pas foli dhe për partnerin e saj, Joe Alwyn.
“Joe, që është personi i parë për të cilin këndoj çdo këngë që shkruaj. Kalova kohën më të mirë duke shkruar këngë me ty në karantinë.“, tha ajo. 31 vjeçarja u nominua gjithsej për gjashtë çmime këtë vit, duke përfshirë këngën e vitit.
Swift ka fituar më parë 10 çmime Grammy midis viteve 2010-2016. Kjo fitore e saj vjen pas anulimit të koncertit “Lover Fest” për shkak të pandemisë. “Kjo është një pandemi që ka ndryshuar planet e të gjithëve dhe askush nuk e di se si do të jetë situata në të ardhmen e afërt.“, tha ajo. /abcnews.al
