Taulant Balla është betuar në detyrën e Ministrit të Brendshëm në Presidencë këtë të shtunë në orën 11:00.
Pas betimit në Presidencë, Ministri i ri i Brendshëm, ka hyrë për herë të parë në ambientet e këtij institucioni, i pritur nga ish-ministri Bledi Çuçi, zyrtarët më të lartë të Ministrisë së Brendshme, titullarët e institucioneve të varësisë e drejtues të tjerë.
Më herët, Kuvendi miratoi më 13 korrik, me 75 vota pro, 16 kundër, 1 abstenim emërimin e Ballës, i cili do të zëvendësojë Çuçin, pas shkarkimit të tij.
Ky i fundit u shkarkua nga kryeministri Edi Rama pas ngjarjes së rëndë të ndodhur në Thumanë, ku të afërmit e ish-deputetit Rrahman Rraja dhunuan brutalisht dy persona të cilët denoncuan dëmtimet në banesat e tyre nga një gurore në Borizanë.
Kujtojmë që Taulant Balla mbante detyrën e kreut të grupit parlamentar të PS që prej vitit 2017. Më herët, ai ka qenë edhe sekretar i përgjithshëm i kësaj force politike, drejtues politik së fundmi edhe i qarkut të Fierit./abcnews.al
