Talebanët kanë hyrë në kryeqytetin e Afganistanit, Kabul. Mediat e huaja bëjnë me dije se zyrtarët e ministrisë së Brendshme kanë bërë me dije se tashmë kryengritësit po futen nga të gjitha anët e qytetit.
Ndërkohë për shkak të situatës së krijuar në Kabul, Shtetet e Bashkuara kanë nisur që të evakuojnë diplomatët nga ambasada e tyre me helikopter.
Zyrtarët amerikanë thanë se diplomatët po transportoheshin në aeroport për t’u larguar nga vendi. Po ashtu bëhet me dije se po dërgohen dhe ushtarë për të bërë të mundur evakuimin e sa më shumë qytetarëve dhe të shmanget ndonjë tragjedi.
Qeveria e Presidentit Ashraf Ghani duket se është në ditët e saj të fundit dhe pritet që të japë dorëheqjen. Një zyrtar taleban i tha Reuters se grupi nuk donte viktima, ndaj ka bërë thirrje për dorëzim dhe armëpushim.
Më herët kryengritësit pushtuan qytetin lindor të Jalalabad pa luftë. Tashmë talibanët kanë nën kontroll një pjesë të madhe të vendit dhe për pak ditë pritet që të kenë kontroll kudo./abcnews.al
