Në sfidën e javës së 5-të Kukësi pret në “Kukës Arena” Partizanin, me takimin që do të luhet duke nisur që në orën 15:00.
Në prag të këtij dueli, së bashku me Enkelejd Dobin në konferencën për mediat ishte i pranishëm edhe portieri i verilindorëve, Angel Tafas
“Nuk jam hero por bëra punën time mirë në dy ndeshje por në dy ndeshje te tjera marr përgjegjësi për golat që kam pësuar. Nuk quhem hero, heronj quhen ato që kanë luftuar jo unë. Unë thjesht kam bërë mirë.
Me trajnerin e ri po përmirësohemi çdo ditë dhe kemi ide më të qarta. Ekipi është më i motivuar por tani do ta shohim në ndeshje.
Fryma në grup është e mirë. Grupi ka shumë pozitivitet dhe të gjithë jemi shumë mirë. Normalisht kur nuk kemi rezultatet në anën tonë, nuk jemi të lumtur. Ekipi i këtij sezoni është më i kompletuar”, ka theksuar Tafas. /f.a/abcnews.al
