Për momentin është vetëm një kandidat, por Silvinjos I del sërish emri në Brazil.
Tekniku I kombëtares së Shqipërisë është në listën e të preferuarëve të Botafogo për pankinën.
Mediat lokale janë në të njëjtën linjë, ndërsa ndahen për vendin e tij në listën e klubit të njohur brazilian.
“RTI Esporte” ishte e para që publikoi lajmin, madje shkoi më larg, teksa foli edhe për një video telefonatë mes presidetit të Botafogo, John Textor me Silvinjon.
Duke qëndruar në këtë raportim, trajneri i përfaqësues kuqezi është mes kandidatëve për të marrë drejtimin e skuadrës braziliane, bashkë me emra të tjerë të njohur të trajningut.
Emri i Silvinjos përflitet edhe nga “Gazeta Botafogo”, e cila është shmë pranë klubit me të njëjtin emër.
Sipas saj, trajneri 50 vjeçar bën pjesë në listën e gjatë me 12 teknikë që Botafogo I konsideron si më të përshtatshëm për pankinën.
Silvinjo rinovoi kontratën me Federatën Shqiptare të Futbollit deri në dhjetor të 2025, ndërsa duket e pamundur që ai ta prishë atë përpara kohe.
Aq më tepër që shumë shpejt do të nisin eliminatoret e “Botërorit 2026” dhe pas arritjes në finalet e “Euro 2024”, ai do të provojë kualifikimin historik në turneun më të madh të futbollit.
