Tifozët e Milanit kanë shpërthyer kundrejt Susos. Spanjolli duket hija e vetvetes në fushën e blertë dhe kuqezinjtë nuk duan ta shohin më në ekipin e tyre te zemrës. 25-vjeçari duhet të ndryshojë marsh, përndryshe nuk përjashtohet një largim i tij në janar.
Milani nuk dëshiron të mbetet i papërgatitur dhe ka piketuar zëvendësuesin e mundshëm të tij. “Djalli” pëlqen shumë Pedro Rodriguez, sulmuesin e djathtë të Chelsea. 32-vjeçari spanjoll është jashtë planeve të trajnerit Lampard dhe kontrata me “Blutë e Londrës” i përfundon në fund të këtij sezoni.
Calciomercato.it raporton se Milani po mendohet dhe tundohet nga kjo ide. Ekipi ka nevojë për eksperiencë dhe Pedro e siguron diçka të tillë, përveç aftësisë për të shënuar gola e dhuruar asiste për shokët e skuadrës. /abcnews.al
