Prej disa ditësh po bën xhiron e rrjetit një video ku një djalë emigrant surprizon prindërit i veshur si kamarier. Ai kishte tre vite që nuk kishte ardhur në Shqipëri dhe ky kthim nuk ishte aspak i zakontë.
Bëhet fjalë për Florian Osmanin, i cili së bashku me vëllezërit e tij ka ndarë ditën e sotme në “ABC e Mëngjesit” të gjithë këtë përjetim.
Nuk kanë munguar prindërit e tij, të cilët së bashku me djalin më të vogël Andin kanë treguar emocionet e atij momenti në një lidhje “Skype”.
“Kur hyra në lokal nuk po e dalloja që ishte Flori vetëm nga zëri e kuptova. Po mos të më kapte djali nuk po e mbaja dot veten”, tha nëna Adelina.
“Të katërt si vëllezër menduam diçka të bukur, pavarësisht se prindërve i kishte shkuar mendja për një nuse ose ndonjë makinë. I thash nuse nuk keni as makinë, po është diçka shumë e madhe”, u shpreh vëllai Andi.
“E shikova një herë dhe më ngjau zëri, pastaj po e shikoja, kur tha ca doni të pini ktheva kokën dhe po e shikoja mirë, ua çuni thash”, shtoi më tej e emocionuar zonja.
Ndërsa babai i Florianit, zoti Lulzim ishte më i rezervuar gjatë surprizës, pasi ka mbetur totalisht i shtangur. “Sa për surprizën kishim mbi 12 orë që mendohesha se ca mund të jetë dhe nuk e prisja”, tha ai në emision./abcnews.al
