Supermodelja dhe aktorja Eva Herzigova është infektuar me koronavirus.
Lajmin e ka bërë të ditur vetë ajo, përmes një postimi në rrjetet sociale, ku tregoi se ka rezultuar pozitive me Covid-19 dhe se kishte “dridhje të çmendura dhe lodhje fizike”.
47-vjeçarja postoi një fotografi e shtrirë nga shtrati duke thënë se ditë pas ditë i shfaqeshin simptoma të reja.
“Mirënjohëse për trupin tim që lufton fort”, shtoi ajo.
Sipas gazetës italiane Corriere, modelja çeke dhe partneri i saj, biznesmeni italian Gregorio Marsiaj, po e kalojnë këtë periudhë në shtëpinë e tyre pranë Torinos.
