Kryeministri i Mbretërisë së Bashkuar ka komentuar armëpushimin e përkohshëm midis Izraelit dhe Hamasit, duke thënë se është “kritike”. Rishi Sunak falënderoi gjithashtu Katarin, Egjiptin dhe të tjerët për “diplomacinë intensive” që rezultoi në arritjen e marrëveshjes.
“Kjo pauzë humanitare është kritike për t’i dhënë fund kalvarit të tmerrshëm të pengjeve që mbahen nga Hamasi dhe për të dërguar ndihma humanitare në Gaza,” shkroi ai në X.
“Ne nuk do të ndalemi derisa të gjithë pengjet të kthehen në shtëpi të sigurt.”
Një grup prej 13 pengjesh nga rreth 240 që janë mbajtur do të lirohen sot në orën 16:00.
/abcnews.al
