Merkato e janarit do të jetë shumë aktive dhe transferimet e para kanë nisur. Thashethemet janë shtuar edhe më shumë dhe lojtarët që janë në dyshim për të ardhmen e tyre janë të shumtë. Një prej lojtarëve që me shumë gjasa do të lëvizë, është sulmuesi anësor i Atletico Madrid, Thomas Lemar.
Për francezin, interesohen dy skuadrat e Premier League, Arsenali dhe Tottenham. Trajneri i Atleticos, Diego Simeone, pranoi se Lemar nuk i ka përmbushur pritshmëritë dhe se agjentët e tij po punojnë që t’i gjejnë skuadër të re.
“Thomas e di shumë mirë çfarë pritshmërish kemi kundrejt tij. Ai nuk arriti për asnjë moment që të arrijë në nivelin e dëshiruar dhe ne nuk kemi ndërmend të ndryshojmë. Mbetet që do të ndryshojë ai dhe agjentët e tij po punojnë për këtë gjë”, tha për mediet spanjolle Simeone./abcnews.al
