Dy anëtarë të grupit “Proud Boys” janë dënuar për udhëheqjen e trazirave të Kapitolit të SHBA.
Dominic Pezzola, 46 vjeç, i cili u dënua për sulm ndaj policisë dhe pengim të një procedimi zyrtar, u dënua me 10 vjet burg. Ethan Nordean, 33 vjeç, i cili udhëhoqi marshimin e grupit në Kongres më 6 janar 2021, u dënua me 18 vjet për një akuzë më të rëndë konspirative. Ish-kreu i grupit, Enrique Tarrio, do të dënohet javën e ardhshme.
Pezzola, një ish-marins amerikan 46-vjeçar, u përlesh me oficerët gjatë bastisjes në Kongres më 6 janar 2021. Ai u dënua për sulm ndaj policisë dhe pengim të një procedimi zyrtar. Një video selfie e regjistruar në ditën e trazirave tregon Pezzola duke pirë duhan atë që ai e përshkroi si një “puro fitoreje” në ndërtesën e Kapitolit.
Gjatë dënimit të së premtes, Pezzola, shprehu njëfarë pendimi për veprimet e tij. Gruaja, vajza dhe nëna e tij iu drejtuan të gjithë gjyqtarit, ndërsa nëna e tij e përshkroi atë si një “fëmijë të mrekullueshëm” që “kurrë nuk më bëri asnjë telash”. Gruaja e Pezzola tha se vajzat e saj janë bërë viktima të ngacmimeve dhe bullizmit në shkollë. Por sapo u dha dënimi me burg dhe gjyqtari u largua nga dhoma, Pezzola bërtiti: Trump fitoi!
Proud Boys – i cili filloi si një “klub pijesh” shtatë vjet më parë – u kthyen si mbështetës të Donald Trump dhe ishin ndër të parët që marshuan në Kapitol në ditën e trazirave. Mbështetësit e Trump u përleshën me policinë dhe sulmuan ndërtesën në një përpjekje për të parandaluar Kongresin që të ratifikonte fitoren zgjedhore të Joe Biden.
Seanca gjyqësore e Pezzola dhe Nordean u zhvillua së bashku me Tarrio dhe veteranët ushtarakë amerikanë Joe Biggs dhe Zachary Rehl. Të enjten, Biggs dhe Rehl u dënuan me 17 dhe 15 vjet burg. Tarrio do të dënohet javën e ardhshme. Ai rrezikon deri në 33 vjet burg.
