Tre persona, dy prej të cilëve kanë qenë efektivë policie kanë mbetur të vrarë në një sulm me thikë që ndodhi këtë të enjte në Japoninë qendrore. Policia mori një telefonatë në orët e vona të pasdites ku iu komunikua se një “burrë kishte goditur me thikë një grua”.
Një zyrtar i policisë së qytetit Nakano tha për CNN se kur oficerët shkuan në vendngjarje, burri qëlloi me armë duke goditur katër persona, përpara se të largohej nga vendi i ngjarjes dhe të fshihej në një ndërtesë.
Fillimisht, u raportua se një grua u dërgua në spital ku më pas u konstatua e vdekur. Më vonë, u sqarua se edhe dy policë vdiqën, ndërsa një person tjetër mbeti i plagosur.
Nakano City u bëri thirrje qytetarëve të qëndrojnë brenda në një deklaratë të postuar në mediat sociale.
/abcnews.al
