Loading ...
Ushtria izraelite tha sot se ishin palestinezët e armatosur ata që qëlluan të enjten mbrëma mbi një turmë që po priste ndihmat ushqimore për t’u shpërndarë në qytetin e Gazës, duke hedhur poshtë akuzat e Hamasit.
Gjatë natës ushtria izraelite mohoi se kishte qëlluar mbi turmën, por pa dhënë detaje të mëtejshme.
Nga ana e saj, Ministria e Shëndetësisë e Hamasit kishte theksuar se të paktën 20 persona u vranë dhe më shumë se 100 u plagosën nga forcat izraelite kundër një turme palestinezësh që po prisnin ndihma humanitare.
“Terroristët e Hamasit vazhdojnë të sulmojnë civilët në Gaza që kërkojnë ushqim dhe Hamasi akuzon Izraelin si përgjegjës” për këto sulme, tha ushtria izraelite.
/abcnews.al
