Teksa analizon synimet e vërteta të hyrjes ushtarake të Rusisë në Ukrainë, pedagogu Dritan Hoti, pohon se presidenti rus, Vladimir Putin i trembet një Ukraine demokratike të mbështetur nga Shtetet e Bashkuara të Amerikës.
Lexo edhe: Lufta në Ukrainë, SHBA i “pret krahët” Putin. Biden: Do paguajë çmim të lartë, sanksionet janë goditëse
Në një intervistë në emisionin “Radari Informativ” në ABC Hoti thotë se Putini është i ndërgjegjshëm se një Rusi e shkëputur nga Ukraina do të ishte e dobët ushtarakisht.
“Putin tenton ta ç’pajisë Ukrainën nga anëtarësimi i saj në NATO. Putin e peshon sfidën gjeopolitike i trembet një Ukraine demokratike të mbështetur nga SHBA.
Synimi i vërtetë i Putin siguron shkëputjen dhe vendosjen në protektoratin e Rusisë në rajonin e Donbasit dhe futjen e një pjese në Rusi. Dhe për të dërguar mesazhin ne perëndim se ne pranojmë një Ukrainë te demilitarizuar. Putini është partizan i madh të një strukture te ngjashme me Bashkimin Sovjetik. Putin kërkon ndërtimin e Rusisë mbështetur në element linguistik. Kërkon stigmatizimin, të provokojë enklava krizash që të ndërtojë një Rusi të madhe. Për sa i përket Ukrainës, ai e di se Rusia e shkëputur nga Ukraina do ishte e dobët ushtarakisht. Nisur nga diskutimi i Putinit që ishte një monolog ai e mohoi ekzistencën e shtetit Ukrainas. Por në të vërtete në shekullin e 13 ka ekzistuar një shtet ukrainas”, u shpreh pedagogu.
Hoti thotë se çështja Ukrainë-Rusi është një krizë tradicionale mes dy vendeve.
“Marrja në dorë e Çernobilit. Putin kujton se mund të jetë një bazë armatimesh, por është e rrezikshme për shkak të lëndëve bakteriologjike. Është e vështirë të të kthehesh në kushte negocimesh kur ka bombardime dhe të vdekur. Synimi i sulmit është zgjidhja e çështjes së Ukrainës nga pikëpamja Ruse. Nuk mendoj se ka situata tjera analoge në Europë. Çështja e konfliktit Rusi-Ukrainë është një çështje tradicionale krizash. Është një krizë tradicionale ruse. Ukrainën. Nuk ka gjasa që NATO të ndërhyjë ushtarakisht. Por Putin nuk ka synim të sulmojë vendet e Baltikut as Poloninë”, tha pedagogu./abcnews.al/
