Joe Biden i ka cilësuar sulmet me 37 viktima në Ukrainë më të rëndat që nga fillimi i luftës, ndërsa udhëheqësit e NATO-s u mblodhën për të shpallur masa të reja për të forcuar mbrojtjen ajrore të Ukrainës.
Qeveria e Volodymyr Zelenskiy shpalli të martën një ditë zie pasi të paktën 37 civilë u vranë në një seri sulmesh ku objektivat përfshinin spitalin më të madh të fëmijëve në Ukrainë.
“Është kritike që bota të vazhdojë të qëndrojë me Ukrainën në këtë moment të rëndësishëm dhe që ne të mos injorojmë agresionin rus,” tha presidenti amerikan në një deklaratë të Shtëpisë së Bardhë, duke shtuar “ne do të shpallim masa të reja për të forcuar mbrojtjen ajrore të Ukrainës për të mbrojtur qytetet dhe civilët e tyre.”
Deklarata e presidentit erdhi në prag të një samiti të NATO-s në Uashington, i cili shënon 75-vjetorin e aleancës transatlantike dhe i cili do të mbledhë së bashku Presidentin Volodymyr Zelenskiy dhe liderët e vendeve që i kanë ofruar Kievit me dhjetëra miliarda dollarë ndihmë ushtarake.
/abcnews.al
