Sulmet e 11 shtatorit në SHBA, Hasani: Qëndrojmë krah aleatit tonë strategjik në luftën kundër terrorizmit dhe mbrojtjen e vlerave demokratike

Ministri i Jashtëm, Igli Hasani ka kujtuar sot 23-vjetorin e sulmeve terroriste mbi kullat binjake në SHBA. Në një postim në X, ministri thotë se Shqipëria qëndron përkrah SHBA-së në luftën kundër terrorizmit dhe mbrojtjen e të drejtave të njeriut, vlerave demokratike, stabilitetit dhe paqes.

Ministri Igli Hasani në platformën X:

Sot nderojmë kujtimin e jetëve të pafajshme të humbura në sulmet e 11 shtatorit 2001 dhe reflektojmë mbi guximin, dhembshurinë dhe solidaritetin që u shfaq në përgjigje të tyre.

Shqipëria qëndron përkrah aleatit të saj strategjik, Shteteve të Bashkuara të Amerikës, në luftën kundër terrorizmit dhe mbrojtjen e të drejtave të njeriut, vlerave demokratike, stabilitetit dhe paqes.

 

Today, we honor the memory of the innocent lives lost in the September 11, 2001 attacks, and we reflect on the courage, compassion and solidarity that emerged in response.

Albania stands with its strategic ally, the United States of America, in fighting terrorism and upholding… pic.twitter.com/otUEVes64u

 

Më 11 shtator 2002, u kryen katër sulme vdekeprurëse të koordinuara terroriste islamike nga al-Kaeda kundër Shteteve të Bashkuara në 2001. Në atë mëngjes, 19 terroristë rrëmbyen katër avionë komercialë të planifikuar të udhëtonin nga Bregu Lindor në Kaliforni. Rrëmbyesit rrëzuan dy avionët e parë në Kullat Binjake të Qendrës Botërore të Tregtisë në qytetin e Nju Jorkut.

Ekipi i tretë arriti të godasë Pentagonin, selinë e Departamentit të Mbrojtjes të SHBA-së në Arlington County, Virxhinia, ndërsa avioni i katërt u rrëzua në Pensilvani gjatë një revolte pasagjerësh.

/abcnews.al