Dy ushtarë izraelitë u plagosën nga një sulm me thikë në qendër të vendit sot dhe sulmuesi u arrestua, sipas raporteve fillestare nga policia dhe shërbimet e urgjencës.
Një i dyshuar u arrestua pasi goditi me thikë dy ushtarë pranë bazës ushtarake Zrifin pranë Be’er Ya’akov jashtë Tel Avivit, tha policia izraelite në një deklaratë të shkurtër.
#Israel. At the entrance of #Tsrifin #militarybase two #IDF soldiers injured in knife attack, one #palestinian terrorist was neutralized, another terrorist escaped. pic.twitter.com/JpIxzPveIX
— Donato Yaakov Secchi (@doyaksec) April 4, 2023
Sipas informacioneve, dy të plagosurit janë rreth 20 vjeç. Të dy personat janë dërguar në spital, ndërsa njëri prej tyre ndodhet në gjendje të rëndë. Në vitin 2003, nëntë ushtarë u vranë në një sulm vetëvrasës pranë bazës Griffin.
Ky sulm i ri pason disa incidente vdekjeprurëse që nga e premtja, pas një periudhe qetësie që nga fillimi i Ramazanit dhjetë ditë më parë. Ditën e djeshme të hënën, dy luftëtarë palestinezë u vranë në një sulm të ri të ushtrisë në Nablus, në pjesën veriore të Bregut Perëndimor të pushtuar.
Të shtunën, tre izraelitë u plagosën në një sulm me makinë në Bregun Perëndimor. Sulmuesi i dyshuar u vra nga policia.
Të premten, policia izraelite vrau një arab izraelit për të cilin thanë se ia rrëmbeu armën një polici dhe filloi të qëllonte në qytetin e vjetër të Jerusalemit. Familja e tij e ka hedhur poshtë këtë version të ngjarjeve.
Të paktën 91 palestinezë, 15 izraelitë dhe një grua ukrainase janë vrarë që nga fillimi i vitit, sipas një raporti të AFP-së të përpiluar nga autoritetet zyrtare palestineze dhe izraelite.
Këto shifra përfshijnë, nga pala palestineze, luftëtarë dhe civilë, duke përfshirë të mitur, ndërsa në anën izraelite kryesisht civilë, përfshirë të mitur, si dhe dy anëtarë të pakicës arabe.
/abcnews.al
