Sulm me armë zjarri pranë një spitali në SHBA, një viktimë dhe disa të plagosur

Një person ka vdekur dhe katër të tjerë janë plagosur nga një sulm me armë zjarri jashtë një spitali në Atlanta, tha policia.

Policia ka ngritur një operacion-kërkimi pasi sulmuesi është i armatosur dhe përbën rrezik për këdo që i afrohet.

Disa shkolla të Atlantës në zonë do të qëndrojnë të mbyllura për aq kohë sa vrasësi mbetet i lirë, thanë zyrtarët e shkollës.

Policia publikoi imazhet e kamerave të sigurisë të të dyshuarit, i cili kishte veshur një xhup gri me kapuç, pantallona të zeza dhe një maskë kirurgjikale teksa mbante një armë zjarri.

BOLO – Suspect is still at large. pic.twitter.com/M8GkXa8dmM

— Atlanta Police Department (@Atlanta_Police) May 3, 2023

Një viktimë është konstatuar e vdekur në vendngjarje dhe të tjerët janë dërguar në spital.

“Personat që janë në zonën ku ndodhen të shtënat i kërkohet të gjejnë një vend të sigurt për të qëndruar. Kushdo që nuk është në zonë i kërkohet të qëndrojë larg”, shkroi Policia e Atlantës në Twitter.

APD is investigating an active shooter in the area of 1110 W Peachtree St NW. Please shelter in place, or stay out of the area. pic.twitter.com/uRIBECRQDT

— Atlanta Police Department (@Atlanta_Police) May 3, 2023