Loading ...
Të paktën shtatë persona kanë humbur jetën dhe 10 të tjerë janë plagosur pas një sulmi me armë në një kishë në provincën e Karakut, në pjesën qendrore të Jordanisë.
Ngjarja ndodhi të premten, gjatë një ceremonie mortore, ku ndodheshin dhjetëra persona. Sipas mediave shtetërore jordaneze, dy persona të armatosur mbërritën me një makinë dhe hapën zjarr brenda kishës, duke qëlluar drejt të pranishmëve për disa minuta.
Më pas, autorët u larguan nga vendngjarja. Sipas dëshmisë së Khaled Burqan, një prej personave që ndodheshin në ceremoni, sulmuesit ishin të armatosur me një pushkë dhe një pistoletë.
Pas ngjarjes, në zonë janë angazhuar forcat e sigurisë, ndërsa zëdhënësi i qeverisë jordaneze, Mohammad al-Momani, konfirmoi vendosjen e tyre.
Deri më tani, autorët nuk janë identifikuar dhe askush nuk ka marrë përgjegjësinë për sulmin. Autoritetet vijojnë hetimet për zbardhjen e plotë të ngjarjes.
