Vendi jonë prej disa ditësh pjesëmarrës në Panarin Ndërkombëtar të Turizmit në Spanjë. Së fundmi, ishte kryeministri Edi Rama që ndau disa çaste nga panairi dhe përshtypjet e shtetasve spanjoll për turizmin në vendin tonë.
“Kam qene në Shqipëri dhe më pëlqeu. Më pëlqyen njerëzit, ushqimi. Do ta nis me kryeqytetin dhe plazhi ishte i bukur. Himara, Ksamili dhe Butrinti ishte shumë i bukur”, u shpreh një nga turistët.
Ndërkohë, Rama këta turistë i ka konsideruar si shembulli më i mirë i një etape krejt të re për prezantimin e Shqipërisë në botë.
“#ShqipëriaTuristike e promovuar në pavionin e Amerikës së Jugut gjatë panairit ndërkombëtar #FITUR në Madrid dhe e përshkruar me fjalët e atyre që e kanë vizituar dhe sërish do të rikthehen për të shijuar bukuritë tona, janë shembulli më i mirë i një etape krejt të re për turizmin shqiptar si kartëvizitë prestigjioze e prezantimit të Shqipërisë në botë dhe si motor zhvillimi ekonomik gjithashtu”, ka shkruar ai krahas videos me përshtypjet e turistëve të huaj për vendin tonë./abcnews.al
