Një valë e motit të keq po godet disa vende të Evropës. Kjo ka bërë që në Itali, dimri të vijë më shpejt nga se parashikohej. Në veri të vendit në Kortina d’Ampezzo është regjistruar dëbora e parë.
Gjithashtu edhe disa lokalitete të tjera në Itali janë zgjuar të dielën me reshje dëbore. Në këto zona temperaturat nuk i kanë kaluar 4 gradët. Reshje dëborë janë regjistruar edhe në Kredarica të Sllovenisë.
Në këtë zonë temperaturat kanë arritur deri në minus 3 gradë Celsius. Ndërsa shtresa e dëborës arriti në 3 centimetra. Ndryshim i menjëhershëm i motit ka ndodhur edhe në Kroaci, ku po bie shi i rrëmbyeshëm, ndërsa temperaturat kanë rënë deri në 10 gradë celcius./abcnews.al
