Maskat prej tekstili mund të mos na mbrojë nga koronavirusi, sepse shumë spërklat arrijnë të depërtojnë.
Pretendime të tilla janë ngritur nga shkencëtarët në Universitetin Shtetëror të New Mexico, në SHBA. Ata studiuan pesë lloje të maskave të fytyrës duke përfshirë ato prej tekstili dhe kirurgjikale.
Ata zbuluan se ndërsa të gjitha maskat bllokuan të paktën 95 për qind të spërklave nga kollitjet dhe teshtitjet, ekzistonte ende një rrezik që infeksioni të transmetohej.
Megjithëse maskat prej cope ndaluan 96.4 përqind të spërklave të teshtimës në një distancë prej gjashtë metrash, ato prapë janë të depërtueshme.
‘Vendosja e një maske do të ofrojë mbrojtje thelbësore, por jo të plotë, për një person të ndjeshëm dhe me imunitet të dobët,’ tha Dr Krishna Kota, një profesor i asociuar në universitet që drejtoi kërkimin.
Shkencëtarët në fillim të pandemisë dhe autoritetet në Mbretërinë e Bashkuar dhe vendet e tjera hezituan të rekomandonin mbajtjen e tyre. Ndërkaq edhe Organizata Botërore e Shëndetësisë rekomandoi maska deri më 8 qershor, dhe pastaj vetëm për ata mbi 60 vjeç dhe ata me sëmundje.
Shkencëtarët kanë sugjeruar gjithashtu që maskat mund të zvogëlojnë ashpërsinë e sëmundjes duke i ekspozuar njerëzit ndaj virusit në doza të vogla, por kjo ende nuk është provuar./abcnews.al
