Një ditë më parë Lionel Messi u prezantua si lojtar i Inter Miami. Ylli argjentinas tashmë ka filluar stërvitjen me ekipin, ashtu si edhe ish-lojtari i Barcelonës, Sergio Busquets.
Debutimi i Messit për Inter Miami pritet në natën e së premtes ndaj të shtunës, nëse flasim për kohën evropiane. Inter Miami do të luajë kundër ekipit meksikan Cruz Azul në Kupën e Ligës.
Kujtojmë se Messi nënshkroi kontratë me Inter Miami, e cila zgjat deri në fund të sezonit 2025. Argjentinasi u transferua në klubin amerikan si lojtar i lirë pas skadimit të kontratës me PSG. /G.D abcnews.al/
