Atletico Madrid u ndal mbrëmjen e djeshme pas tëte fitoresh radhazi në La Liga, pasi nuk shkoi më shumë se një barazim 2-2 në shtëpi kundër Celta Vigos. Për madrilenët edhe një herë tjetër ishte vendimar Luis Suarez, i cili shënoi të dy golat për vendasit.
Ish-sulmuesi i Barcelonës është në një formë të shkëlqyer këtë sezon dhe janë statistikat që e konfirmojnë këtë gjë. Uruguaiani ka shënuar plot 16 gola në 17 ndeshjet e tij të para me fanellën e Atleticos, duke venndosur një rekord për shekullin e 21 për startin më produktiv të një lojtari për klube.
16 – Luis Suárez ?? ha marcado 16 goles en sus primeros 17 partidos con el Atlético de Madrid en LaLiga, logrando el mejor comienzo goleador de un jugador con un mismo club en la competición en el siglo XXI (Cristiano Ronaldo ?? 15 con el Real Madrid en la 09/10). Increíble. pic.twitter.com/TDFN9urcmK
— OptaJose (@OptaJose) February 8, 2021
Më parë ky rekord mbahej nga sulmuesi i Juventusit, Cristiano Ronaldo, i cili ka shënuar 15 gola në sezonin 2009-2010 me fanellën e Real Madrid. Ndërkohë, të besuarit e Simeones vazhdojnë të mbajnë vendin e parë të renditjes me 51 pikë, 8 më shumë se Real e Barcelona, por kanë dhe një ndeshje për të luajtur. /abcnews.al
