Loading ...Aspirata e qeverisë dhe ëndrra e shqiptarëve për të qenë pjesë e unionit europian ishte tema e sondazhit në ‘Zërin e Shqiptarëve’.
Lidhur me arritjen e standarteve europiane të demokracisë, barazisë së tregut dhe antikorrupsionit, vetëm 30% e të anketuarve i qëndrojnë strikt atyre, pra kërkojnë anëtarësim nga BE, vetëm kur Shqipëria të ketë përmbushur çdo standard.
Shumica, 62% e shqiptarëve thonë se Shqipëria fillimisht duhet të integrohet, e më pas vijnë standardet paralelisht.
8% mendojnë ndryshe. Shqipëria të mos jetë anëtare e BE, por thjesht partnere, si Zvicra apo vendet e CEFTA-s.
KAMPIONI: 1115 banorë të rritur të vendit
Linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë. Pyetësori u plotësua elektronikisht në mënyrë krejt anonime nga të anketuarit.
Kampioni u ripeshua statistikisht për t’i përfaqësuar sa më mirë 1.9 milionë banorët e rritur të Shqipërisë nga pikëpamja gjeografike, demografike, arsimore, dhe politike.
Maksimumi i marzhit të gabimit statistikor: +/- 3%.
