Spice Girls planifikojnë ta festojnë 25 vjetorin e tyre duke rikrijuar klipin e këngës së famshme “Wannabe”. Vajzat e grupit legjendar shënuan një moment historik të karrierës së tyre vitin e kaluar kur u bënë bashkë për një turne, por pa Victoria Beckham.
Një burim ka zbuluar për The Sun se grupi kishte shpresuar se do të bënin një turne vitin e ardhshëm për të shënuar 25-vjetorin e tyre, por për shkak të pamundësisë si pasojë e pandemisë, kanë menduar që të sjellin një klip të ri për “Wannabe”.
“Mel C sugjeroi të bënte diçka rreth Wannabe, duke përfshirë idenë e ripërpunimit të klipit. Ata duan t’ju japin fansave të tyre diçka të veçantë.”, ka thënë burimi. Wannabe ishte një ndër superhitet e grupit legjendar që u publikua në 1996.
Përsa i përket pjesëmarrjes së Victorias, Mel B është shprehur se me shumë gjasa ajo nuk do të marrë pjesë. Beckham refuzoi turneun e mbajtur në 2019-ën me argumentin se dëshironte të përqendrohej tek familja dhe kompania e modës. xh.d/abcnews.al
