Spanja ‘mbështet’ ofertën e Ukrainës për t’u anëtarësuar në BE, por anëtarësimi në NATO ‘nuk është në tryezë‘
Ministri i Jashtëm i Spanjës ka deklaruar se vendi i tij mbështet kërkesën e Ukrainës për t’u anëtarësuar në BE. Në një intervistë për mediat e huaja Jose Manuel Albares ka thënë se nuk mund të “gjykojë se cili do të jetë rezultati përfundimtar”.
“Dua të jem shumë i qartë. Ka një vend për Ukrainën në familjen evropiane“, ka thënë ai.
Ndër të tjera ai është shprehur se anëtarësimi i Ukrainës në NATO “nuk është në tryezë tani” pavarësisht se vendi shpreh një dëshirë të gjatë për t’u bashkuar me aleancën ushtarake.
Një nga kërkesat e presidentit rus Vladimir Putin përpara se të pushtonte Ukrainën ishte që anëtarësimi i saj në NATO të përjashtohej për një kohë të pacaktuar./abcnews.al
