Presidenti Gotabaya Rajapaksa ndodhet në Maldive pasi u largua nga Sri Lanka në orët e para të mëngjesit, pak para mbarimit të afatit të tij për të dhënë dorëheqjen.
Ai mbërriti në kryeqytetin Male rreth orës 03:00 me orën lokale (22:00), raporton BBC. Agjencia e lajmeve AFP raportoi se ai shoqërohej nga gruaja e tij dhe dy truproja.
Lideri, i cili gëzon imunitet nga ndjekja penale gjatë kohës që është president, besohet se ka dashur të largohet jashtë vendit për të shmangur mundësinë e arrestimit nga administrata e re.
Por mbetet e paqartë nëse ai synon të kërkojë azil në ishull, apo nëse thjesht po e përdor atë si një vendpushim ndërsa planifikon lëvizjen e tij të ardhshme, përcjell abcnews.al.
Vëllai i tij dhe ish-ministri i financave, Basil Rajapaksa, gjithashtu ka arritur të largohet nga vendi pasi një përpjekje e mëparshme u ndalua, thanë burimet për BBC. Ai thuhet se do të shkojë në SHBA ku ka nënshtetësi.
Sakaq, sot në mëngjes, vendi nuk ka marrë ende lajme për një dorëheqje zyrtare. Presidenti duhet t’i paraqesë një letër dorëheqjes kryetarit të parlamentit për të nxitur vazhdimësinë në politikën e Sri Lankës. Kjo është një periudhë ku një president i përkohshëm do të ndërhyjë për një muaj për të organizuar zgjedhjet. g.v/abcnews.al
