Shumica e izraelitëve, hebrenj dhe arabë, nuk besojnë se “fitorja absolute” është e mundur në luftën e Izraelit kundër Hamasit, sipas një sondazhi të ri.
Një sondazh i kryer nga Instituti i Demokracisë së Izraelit zbuloi se 51% e hebrenjve izraelitë dhe 77.5% e izraelitëve arabë besojnë se nuk ka gjasa që Izraeli të largohet nga lufta e tij me Hamasin me një fitore totale.
Anketa u krye tre ditë në fillim të këtij muaji, shkruan Sky News.
Benjamin Netanyahu ka përdorur shprehjen “fitore totale” gjatë fjalimeve të shumta, duke premtuar se do t’i japë fund luftës vetëm pasi të arrihet.
Ai tha në fillim të muajit se ishte “brenda mundësive”.
Sondazhi gjeti dallime përgjatë spektrit politik në Izrael, me 84% të të anketuarve të krahut të majtë që pajtohen se gjasat e “fitores absolute” janë të ulëta, krahasuar me 63% të pjesëmarrësve të qendrës dhe 55% të atyre në të djathtë.
Sondazhi veçmas zbuloi se 63% e hebrenjve izraelitë kundërshtojnë krijimin e një shteti palestinez, ndërsa 73% e izraelitëve arabë janë në mbështetje./abcnews.al
