Manchester United i ka fituar te pestë ndeshjet në transfertë të këtij sezoni në Premier League. Djemtë e Ole Gunnar Solskjaer luajnë më mirë larg “Old Trafford” dhe nesër do të tentojnë suksesin e radhës në fushën e Sheffield United të vendit të fundit.
Trajneri norvegjez, Ole Gunnar Solskjaer flet rreth gjendjes së ekipit të tij në prononcimin e dhënë para ndeshjes së ditës së enjte (21:00), teksa ka një koment edhe për bomberin Edinson Cavani.
“Me kalendarin e ngjeshur që është, çdokush që ka mundësi të pushojë gjatë javës ka avantazhe ndaj të tjerëve, një situatë të tillë do e shohim gjatë gjithë sezonit. Jemi gati për Sheffield, ndodhemi në 100% të formës, por është shumë e vështirë të luash çdo tre ditë.
Cavani? Edinson po e merr veten, por nuk duam të nxitohemi. S’e kemi vendosur akoma nëse do të zbresë në fushë nesër apo jo. Dyshoj nëse do të luajë ndaj Sheffield United“, deklaron trajneri i United. /abcnews.al
