Manchester United reagoi në mënyrën më të mirë pas humbjes në Champions kundër PSG-së. Ekipi i Ole Gunnar Solskjaer mposhti 1-3 me përmbysje West Ham në Londër, duke siguruar fitoren e katërt radhazi në Premier League.
Djajtë e Kuq” janë ngjitur në vend të katërt dhe kreu është vetëm dy pikë larg. Trajneri Solskjaer foli pas triumfit, duke analizuar ndeshjen, teksa vlerëson djemtë e tij për paraqitjen e ofruar.
“Në pjesën e parë e mbajtëm shumë topin, por ishte një qarkullim jo efektiv, nuk ia dolëm të shfaqeshim të rrezikshëm. Në pjesën e dytë luajtëm me cilësi dhe kundërshtarët tanë vuajtën.
Shfaqemi shumë ambiciozë dhe të bindur në forcën tonë në ndeshjet jashtë fushe. I kemi fituar të pesë ndeshjet që kemi luajtur në transfertë në kampionat, kjo është diçka e jashtëzakonshme.
Greenwood është një finalizues i shkëlqyer, por jam i lumtur edhe për Pogba. Paul realizoi një gol fantastik“, deklaron trajneri nordik i United. /abcnews.al
