Të dielën rikthehet derbi i Manchesterit. United pret skuadrën e Pep Guardiolës në “Old Trafford” dhe nuk fiton në kampionat në fushën e vet ndaj “armiqve” të përjetshëm prej 5 vitesh.
Ole Gunnar Solskjaer nuk përmbahet në konferencën për shtyp dhe lëshon akuza ndaj programuesve të kalendarit. City luajti të mërkurën ndeshjen e FA Cup, ndërsa djemtë e Solskjaer mbrëmjen e kaluar.
“FA Cup po na kthehet në pengesë, Manchester City ka pasur një ditë pushim më shumë se ne për derbin. E kam të vështirë ta besoj, të dielën kemi derbin e qytetit, por na detyruan të luajmë të enjtën. Nuk ka një trajtim të barabartë për të gjithë.
Kështu ndodhi edhe në derbin e fundit, por ne ia dolëm të fitonim. Në atë rast ata luajtën të martën, ne luajtëm një ditë më vonë“, deklaron trajneri i “Djajve të Kuq”. /abcnews.al
