Jo vetëm merkato në repartin ofensiv. Ole Gunnar Solskjaer kërkon një mbrojtës të majtë dhe drejtuesit e Manchester United kanë piketuar Sergio Reguilon si lojtarin e duhur për këtë rol.
23-vjeçari është në pronësi të Real Madrid (ka kontratë deri në vitin 2023), teksa sezonin e kaluar u huazua te Sevilla, duke ia dalë të fitojë Europa League me skuadrën andaluziane.
? United-Reguilón, más cerca: los contactos se intensifican https://t.co/fQZYzvuPmA Te lo cuenta @jfelixdiaz
— MARCA (@marca) September 14, 2020
Marca raporton se “Djajtë e Kuq” kanë nisur negociatat me homologët e Real Madrid. Bisedimet janë në rrugën e duhur dhe akordi final pritet të arrihet për shumën e 25 milion eurove.
“Los Blancos” e vlerësojnë shumë Reguilon (debutoi me kombëtaren spanjolle në fitoren 4-0 të 6 shtatorit kundër Ukrainës në Nations League) dhe po tentojnë të fusin klauzolën e riblerjes së tij në të ardhmen. /abcnews.al
