Loading ...“I nderuar drejtues automjeti ju jeni gjobitur me 500 lekë për shkelje të rregullave të qarkullimit rrugor. Ju lutem të kryeni pagesën për të shmangur kamatvonesat ose ndëshkime të tjera”
Nuk janë përfaqësuesit e Policisë së Shtetit apo plaformës e albania që iu kanë dërguar mesazhin në telefon, por persona që synojnë të vjedhin të dhënat tuaja personale.
Specialistët iu këshillojnë të mos klikoni mbi linkun që shoqëron mesazhin.
“Nëse klikon atë link të ridrejton me një faqe që duket identik me ata të bankës pasi faqet zyrtare mund të kopjohen lehtësisht ose imitohen nga kriminelët kibernetik. Ju nëse nuk shikoni elementët e dyshimtë që japin këto linqe, si domain zyrtar , atëherë mund të bini pre e mashtrimeve dhe të vendosni të dhënat tuaja mbi këto forma ku plotësohen të dhënat dhe aty mund të vidhen të gjitha të dhënat tuaja dhe të përdoren nga këto keqbërës kibenetik dhe kemi pasur raste kur qytetarët kanë rënë pre e tyre.”
Por çfarë masash ka marrë Autoriteti Kombëtar për Sigurinë Kibernetike?
“Kemi kontaktuar per bllokimin e këtyre e linqeve të mos jenë më të aksesueshme në sistemin tonë kibernetik. Kemi komunikuar me Policinë e Shtetit për mbajtjen në monitorim….”
Nga raportimet e qytetarëve dhe monitorimet në darkweb, vetëm në gjashtë muajt e parë të vitit, Autoriteti Kombëtar për Sigurinë Kibernetike ka zbuluar 688 raste të rrjedhjeve të të dhënave.
“Qëllimi final I këtyre keqbërësve kibernetik që targetojnë qytetarët në masë është përfitimi monetar…. Nëse doni të verifikoni thirrni numrin zyrtar….” / abcnews.al /
