Disa vende të NATO-s dhe BE-së po shqyrtojnë dërgimin e trupave në Ukrainë, ka thënë kryeministri i Sllovakisë.
Robert Fico tha se nuk e dinte se çfarë do të bënin në vend, por ai e kishte mësuar informacionin nga shënimet në përgatitje për një takim të liderëve evropianë në Paris. “Një veprim i tillë do të çonte në përshkallëzim”, tha Fico, i cili ka kundërshtuar prej kohësh furnizimet ushtarake për Ukrainën dhe ka marrë një pozicion që nga disa kritikë shihet si pro-rus.
“Unë do të kufizohem të them se këto teza nënkuptojnë se një numër i vendeve anëtare të NATO-s dhe BE-së po mendojnë se do të dërgojnë trupat e tyre në Ukrainë në baza dypalëshe. Nuk mund të them se për çfarë qëllimi dhe çfarë duhet të bëjnë atje,” tha ai. /abcnews.al
