Një hetim nga kisha katolike spanjolle për abuzimin seksual të fëmijëve nga klerikët dhe laikët, deri më tani ka çuar në identifikimin e 728 abuzuesve të dyshuar dhe 927 viktimave që nga vitet 1940, sipas raportit të saj të parë mbi rastin.
“Ne e dimë dëmin që është shkaktuar,” tha Jose Gabriel Vera, një zëdhënës i Kryepeshkopëve në Spanjë.
“Ne duam të ndihmojmë të gjitha viktimat, të qëndrojmë pranë tyre në shërimin e plagëve të tyre.”
Çështja doli në pah në Spanjë në vitin 2021 pasi gazeta El Pais raportoi më shumë se 1200 raste të raportuara, vite pasi skandalet e abuzimit seksual tronditën kishën në vende të tilla si SHBA, Irlanda dhe Franca.
“Ne duam të dimë se çfarë shkoi keq me përzgjedhjen e priftërinjve kandidatë, çfarë shkoi keq me trajnimin e tyre dhe çfarë e shtyu një njeri që vendosi t’i përkushtohej Zotit për të abuzuar seksulisht,” tha Vera.
Në raport, i cili përfshin dëshminë e viktimave thuhet se më shumë se 99% e të dyshuarve janë burra dhe gjysma e abuzuesve janë klerikë. Shumica e rasteve ndodhën në vitet 1960-1980.
Sipas raportit, më shumë se 63% e abuzuesve kanë vdekur.
/abcnews.al
